[Full text in original language] B. Strabon, asseure avoir veu un Rhinocerot, la couleur duquel est sembable ? celle de l'Elephant, & non de buys (ia?oit que Pline livre 8 chapit 20 luy attribue telle couleur) de la grosseur d'un Taureau, de la forme d'un sanglier, principalement quand au museau, ost? le nez qui est une corne recourb?e, plus dure qu'aucun os, de laquelle il se sort en lieu d'armes, contre les sanglier des dents. Il a aussi deux sangles qui ressemblent aux roulleaux des dragons, qui luy prennent depuis le dos jusques au ventre & l'une vers la hure, l'autre vers les lumbes.
[Full text in original language] Histoire du Rhinocerot. Le Rhinocerot est un animal grand, portant une corne au naseau, lequel mal-aisement se peut dompter. On tient qu'il s'en trouve plusieurs en Cambaya, pays fort voisin de Bengala, & en Patana & qu'ils sont appell?s par les habitans Gandas. Il n'ay peu encores voir aucun Rhinocerot? [b] Je s?ay bien toutesfois que les habitans de Bengala se servent de sa corne, contre les poisons & venins, ayans opinion que c'est la corne de Lycorne, encores que ce la soit pas, comme rapportent ceux qui disent le s?avoir asseurement. Au reste les Aucteurs escrivent tant de choses incertaines du Monocerot, que par l? il est ais? ? juger, qu'il n'en ont jamais veu. Je raconteray en cest endroit ce que j'en ay appris par personnes dignes de foy. Ils disent, qu'entre le promontoire de bonne Esp?rance, & celuy que vulgairement on appelle des Courantes, ils ont veu une certaine esp?ce d'animal terrestre, encores qu'il se plait aussi fort en la mer, lequel avoit la teste & le crin d'un cheval (toute fois que ce n'estoit pas un cheval marin) ayant une corne de deux emp?s de long, mobile, & laquelle il tournoit tantost ? dextre, tantost ? sinestre, tantost la haussant, tantost la baissant. Que cest animal combat furieusement contre l'Elephant, & que sa corne est fort pris?e contre les venins. Dont ils avoyent fait l'essay, ayant donn? ? boire de poison ? deux chiens: l'un desuqels, ? qui on avoit fait boire double quantit? dudit venin, ayant aval? de la poudre de ladite corne avec de l'eau, soudain avoit est? guery, & l'autre auquel on n'avoit donne que bien peu de ladicte poison, sans luy faire prende de la corne susdicte, estoit tomb? roide mort tout incontinent.
